2010/05/17

Saio teorikoan, teknologia berriak hezkuntzan gaiaz aritu gara.
Teknologia berriak eskolara etorri dira. Orain, zelan maneiatu ditzakegun hausnartu behar dugu. Ikasteko-prozesua aldatu egin behar da TTBB-ak integratzeko, ikaste-irakaste prozesua ardatz-tzat izanik, ez teknologiak txertatzea. Curriculumean ere integratu behar ditugu teknologia berriak eta orduan baliabide didaktiko bihurtuko dira. Orduan, pentsatu beharko genuke: Zertarako izango dira, nolakoak, norentzat, nola erabili, zer espero...?. Curriculumean integratzeko baldintzak, ondorengoak dira: instrumentu eta eduki izan daitezke baina oso garrantzitsua da ikuspegi konstruktibista jarraitzea. Aprendizaiaren oinarria ez da baliabide hutsa, baizik erabilitako estrategia eta teknika didaktikoak. Teknologia berriek komunikazio prozesua potentziatuko dute. Zein arrazoi dago teknologia berriak eskolaratzeko? Hainbat aldiz esan bezala, gizarteak sartu dizkigu: eskola, gizartearen islada da.
Saio praktikoan, PPT-ak aurkeztu ditugu.

2010/05/10

Klase honetan, TTBB-ak hezkuntza prozesuan txertatzeko jarraitu beharreko irizpideetaz aritu gara saio teorikoan. Hezkuntza-sistemaren eginkizuna eta helburua da laguntzea TTBB-ak gizartean integratzen. IKT-ak komunikatzeko sistemak badira, egokiak dirudite komunikazio-prozesua den horretan (ikaste-irakaste prozesua). Gizarteak demandak ditu (gaitasun digitala) hezkuntzak ase behar dituenak. IKT-ak hezkuntza alorrean ezinbestekoak dira; administrazio alorrean, ikerkuntza alorrean...zer esanik ez irakaskuntza alorrean. Zer eragin dute TTBB hauek? Informazioa automatizatzen dute. Zertan datza IKT-en berrikuntza? Lan egiteko exijitzen duten modu berrian, alegia: kudeaketa eta kontrolerako baliabideak, lan egiteko erremintak, baliabide didaktikoak, elkarlanerako baliabideak (guk erabilitako wikispace)....Teknologiko, hezkuntzan integratuz gero, lehenengo curriculumean integratu beharko lirateke, eta aldi berean curriculumeko ezagutzak berreraikitzeko balio dute: funtzio egituratzailea, operatzailea, formatzailea, (...). Azkenik, esan beharra dago ikaslearen oinarria ez dela baliabide hutsa, baizik, erabilitako estrategia eta teknika didaktikoak. Irakaskuntza komunikazio prozesua denez, teknologiaren integrazioak zentzuduna izan behar du, komunikazio hori potentziatzen duena, alegia. IKT-ak indarrez sartu behar ahal dira eskolan? Bai, informazio gizartean baikaude eta lanerako behar dugu gaitasun digital hori. Eskolak, beraz, gizartearen demanda horri erantzuna eman behar dio.
Saio praktikoan, PPT-ak egin ditugu taldean, animazio, soinu eta trantsizioekin. Guk, "wild animals" gaia aukeratu dugu. Bertan, animalien irudiak ahozkatzerakoan duten soinuarekin eta idatzizko sinbologiarekin lotu ditugu. Nahiko kostatu zaigu soinuak sartzea. Gero, datorren asterako aurkezpena prestatu dugu.

2010/05/03

Saio teorikoan, KT-ek irakaskuntzan duten eraginez aritu gara eta teoria amaitu dugu. Gero, ikasys esperientzia azaltzen duen bideoa ikusi dugu: eskola 2.0-ek eskaintzen duen hezkuntza, alegia. Gero, teknologia berrien aplikapenekin jardun dugu:
Teknologia berriek zein aplikapen dituzte hezkuntzan? Balore berri bat sortu da, ezagutza konpartitzearena: ezagutza soziala. Bilatzen dugun informazioa kontrastatu egin behar dugu eta garrantzitsua da iturri ezberdinak erabiltzea.
Nolakoa da hezkuntza gizarte berri honetan? TTBB-ak beharrezkoak dira gizartean. Gaitasun digitala izatea ezinbestekoa da. Zein arazo ekar lezake honek? Alde batetik, hizkuntzaren kalterako izan daiteke: hitzak laburtu...
Eta azkenik, zein da hezkuntzaren papera honetan? TTBB-ak sartu behar dira eskolan? Bai, gizarteak eskatzen baititu.
Saio praktikoan, informazioaren bilaketa, kudeaketa eta konpartitzea landu dugu. Aurreko egunetan bilatutako informazioa, gure informazio berdina bilatu duten klasekideekin konpartitu dugu, batu eta klase aurrean azaldu:

e-learning: hezkuntza sistema elektroniko bat da. Distantziazko ikaskuntza mota bat da, hau da, modu elektronikoaren bidezko irakaskuntza. Abantailak: -Norbere baldintzetara (ordutegia...) egokitutako irakaskuntza da. -Web 2.0-an barneratzeko aukera eskaintzen du.- Denborazko eta espazio barrera desagertzea eragiten du. -Ideien eta esperientzien elkartrukaketa. -Diru-kostu murriztua. Desabantailak. -Irakaslearen partetik jarraipen handia behar duen ikasketa-prozesua. -Ikasleak autoexijentzia handia behar du. -Sozializatzeko aukerarik eza.
Eskola 2.0: ikasgelen digitalizazio prozesua da, ohiko ikasgelak ikasgela digital bilakatzen direnekoa. Eskolak, IKT-ak heziketan eragina izateko beharrezko baliabideaz horniturik egon behar du. Irakaslearen rola ere aldatuko da: gidari bilakatuko da.
Heldutasun teknologikoa: ikastetxeko prozesu pedagogikoak eraginkortasunez digitalizatzeko gida izatea, hau da, ikastetxeak gai izatea ikasketa prozesuak teknologian mailan aurrera eramateko.
Ingelesaren ikasketarako materiala: Jaionek erakutsi dizkigu hainbat web orrialde bere deliciousen aurki ditzakegunak, ingelesaren ikasketarako materiala eskaintzen dutenak. Oso baliagarriak izan daitezke.

e-learning

Hezkuntza sistema elektronikoa da.

Teknologia,informazioaren eta beste elementu pedagogikoen (didaktiko)erabilera integratzen da bertan, erabiltzaileen ikaskuntzarako, formaziorako, ahalmenerako. Beraz, esan genezake distantziazko ikaskuntza mota bat dela, hau da, modu elektronikoen bidezko ikaskuntza.

Internet/intranet- CD-rom-Testuak/irudiak-Audio/bideoak erabiltzen ditu.

Zein abantail ditu?- Web 2.0 an barneratzeko aukera- Barrera tenporal eta espazioa desagertzea- Simulazio birtualetan praktikak- Ideien eta esperientzien elkartrukaketa- Diru-kostu murriztua

2010/04/26

Klase honetan teknologia berriek hezkuntzan duten eraginaz aritu gara. Hauek, aldaketak eragiten dituzte eskolan: ikasleen ikasteko prozesua adibidez, informazio pila bat baitute eskuragarri interneten. Multimediaren erabilera ere aunitzagoa da orain. Honek, ikasketa-prozesua motibagarriago bilakatzen du. Ikasleek hainbat informazio ezberdin dute eskuragarri, praktikoa da, interaktibitatea lantzen du eta oso lagungarria da ikasteko. Irakaslearen rola ere aldatu da. Hau ez da jada zientziaren iturria, beraz, bere rola birmoldatzea dagokigu.
Ni ikasle nintzela gaur egungo egoerara alderatuz, nire esperientzian oinarrituta (praktikak) ez da asko aldatu TTBB erabilera egia esan. Ikusi dudanez, teknologia berriak oraindik ez dira ikasketa-prozesuaren parte.
Gero, "Education today and tomorrow" bideoa ikusi dugu.
Azkenik, KT-en eraginaz irakaskuntzan jardun dugu.

Hausnarketa: IKT-ek eragiten dituzten aldaketak eskolan

Argi dago teknologia berriek ikasleen ikasteko prozesua aldatzen dutela. Ikasleek hainbat informazio dute eskuragarri, eta ondorioz beraien formakuntzaren aukeraketaren erantzunkizuna dute nolabait, hau da, beraiek ikasten dutena aukeratzeko gai dira. Bestalde, multimediaren erabilera dela eta, ikasleak sortzaile bilakatzen dira. Blog eta abarren aplikazioek beraien sormen, iritzi eta hausnarketen aportazioak egiteko gai bilakatzen dituzte. Gainera,hauen erabilerak motibagarriago egiten du ikasketa-prozesua, praktikotasuna eta interaktibitatea ere eskaintzen dituzte: ezagutza modu sozialean eraikiz. Guzti horrek, zera eragiten du, irakaslearen rola aldatzea, hau, ikaslearen gidari bilakatzen delarik. Ikaslearena da protagonismoa hezkuntza modu honetan, bera da ardatza. Irakaslea jada ez da "zientziaren iturri". Horrek ez du esan nahi soberan dagoenik, baina argi dago irakasleon rola birpentsatu behar dugula.

Alfabetizazio digitala

Bideo honek, guk umetan hezkuntzan izan ditugun aukerak eta etorkizunean ikasleek izango dituzten aukerak alderatzen ditu. Galdera, sinplea da. Teknologia berriek hezkuntza aldatuko al dute? Bai. Teknologia berriak hezkuntzan txertatzen ditugunean, irakaskuntza-ikaskuntza prozesuak ere aldatu egingo dira. Ikasleak, hainbat informazio izango dute eskura, eta beraien formazioa aukeratzeko gai izango dira. Beraz, irakasleon lana izango da hauek bideratzea. Teknologia berriek, hainbat abantaila ekarriko dizkigute: umeak sortzaile bilakatuko dituzte, ikaskuntza-prozesua motibagarri bilakatuko dute, interaktibitatea bultzatuko dute...Baina lehen esan bezala, irakasleok umeen konpetentzia digitala garatzeaz arduratu beharko gara, hauek, etorkizuneko gizartean bizitzeko presta ditzagun.

Tiscar Lara

Bideo honetan, Tiscar Larak konpetentzia digitalari buruz hitzegiten du. Alfabetizazio digitala ez da bakarrik erremintak edo teknologia berrien erabilera teknikoaz jakitea, baizik eta hauek erabiltzean izan behar den jarrera ere kontuan izatea. Net-ean aurkitzen dugun informazio guztiaz kritikoak izan behar dugu. Guztia analizatu eta aztertu behar dugu. Ondoren, gure iritziak ematen eta gure aportazioak egiten jakitea ere ezinbestekoa da. Beraz, kontuan hartu behar ditugun aspektuak ondorengoak dira: Pribazitatea, "merkatu" nork eta zertarakokontrolatzen duen hausnartzea, internetek eskaintzen duen moral dobleaz (pro-Ana, pro-Mia site-ak...) adi egotea, mikrosoft-en kodigoa aztertzea eta kritikatzea (batzuetan restrikzio hutsa, bestetan alde batera begiratuz), laukitxoak aktibatu zer baieztatu dugun ere jakin gabe (aspektu legalak ezagutzea ezinbestekoa da)...Beraz, zera ondorioztatu behar dugu: oso garrantzitsua dela kultura digitala ulertzea bai eta bertan parte hartzea, beti ere bere erabileraz arduratsuak eta kritikoak izanik.

Interneten erabilera egokia

Bideo honetan, interneten erabilera txarrak izan daitzaken arriskuak aurkezten ditu: 1- Norbere datuak emateak izan ditzaken kalteak, besteak beste txat eta publizitatez betetzen zaituzten konkurso eta abarrak. 2- Notizia eta informazio faltsuak sinesteak izan ditzaken ondorioak. 3- Kreditu txartela seguruak ez diren web site-etan erakustea. Kontuan izan behar dugu, web orria segurua ez bada (kandatu txiki bat ez badu)kreditu txartelaren datuak sartzea oso arriskutsua dela. Bestalde, Web-ean irakurritako berri, informazio eta abarrak kontrastatu aurretik ez ditugu sinetsi behar. Emaila eta bestelako datu pertsonalak (telefono mobila...)komeni da edonon ez emotea eta txat eta antzerakoetan ezin dezakegu edonotaz fidatu, azken finean ezezagunekin hitz egiten ari baikara. Garrantzitsua da honelako web site-etan datu pertsonalik ez ematea eta edonorekin ez lotzea. Uste dut, behin edo nehin denori gertatu zaigula segurua ez den site batetan gure emaila ematea eta gero izugarrizko publizitate pila jasotzea, birus eta guzti. Niri beintzat gertatu zait, baina ez dut uste berriro gertatuko zaidanik, behin jazota ikasi dut eta!

Beraz, internauta guztiontzat mezua: Kontuz izan intertetez egiten duzuen erabilerarekin, egokia ezean, zeuen kalterako izango da eta!

2010/04/12

Gaur, lehenengo orduan alfabetizazio digitalaz aritu gara. Alfabetizazio digitala idatzizko testuak interpretatzeko gaitasuna da, bai eta testuak ekoiztu edo idazteko gaitasuna. Gaitasun hori, ordea, erlatiboa da denboran eta gizartearen arabera; izan ere, gaur egun alfabetoa izatea, IKT-ak erabiltzeko gai izatea da, gizarteak inposaturiko gaitasuna.

Gero, interneteko 2 helbide landu ditugu binaka, Netiketei buruzkoak. Netiketak, posta elektronikoa erabiltzean zaindu beharreko arauak dira: artxiboen neurria eta formatoa kontuan izatea, letra larriz ez idaztea, inor ez iraintzea... Beraz, kalean darabilzkigun heziketa eta besteenganako errespetuzko baloreak sarean ere kontuan izatea ezinbestekoa da, azken batean, hauek ere berdinak dira baina kode ezberdinarekin.

Saio praktikoan, wikiaren diseinua bukatu dugu. Gu, BilboLH eskolako talde bateko musika, ingelez, soinketa eta arte irakasleak gara eta gure helburu nagusia, irakasle-guraso arteko interakzioa bultzatzea da, azken hauek beraien seme-alaben heziketan inplikatu daitezen.

Netiketa

Nahiz eta jende askok netiketen berri ez izan, jakin beharrekoa da Netiketak posta elektronikoa erabiltzean zaindu beharreko arauak direla. Gehienok ez dugu baimenik eskatzen baten bat posta zerrenda batean atxikitu aurretik; baliteke, batzuk honelako zerrendetan agertu nahi ez izatea. Gainera, bidalitako artxiboen neurria eta formatoa kontuan izatea ere ezinbestekoa da: Nori ez zaio gertatu behin edo behin artxiboa zabaltzeko gai ez izatea? Horregatik, RTF formato unibertsala erabili beharko litzateke eta baita neurri txikiak, MB 1etik beherakoak edo. Bestalde, bidali beharreko artxibo hori identifikatzea ere garrantzitsua da eta baita deskribatzea edo esatea zein motatako dokumentua den. Bestalde, letra larriz idaztea, internet hizkeran garrasika hitzegitea bezala da, horregatik gomendagarria da horrela ez idaztea. Esan beharrik ez dago inor iraindu behar ez dela sarean, eta neonor salatu behar ezkero frogatu egin behar dela. Garbitu egin beharko lirateke goialdea ehundaka izen zerrendaz beteriko mezuak, hauek irakurtzea oso deserosoa baita. Gainera inoren helbideak agerian ez ustea ere komeni da mezu hori beste bateri bidaltzerakoan. Bukatzeko, mezuak pertsonalizatzea ere gomendagarria da, hartzaileak jakin dezan mezu hori espreski berarentzat dela, eta ez dira sarean dabiltzan mezu apokaliptiko eta antzerako gezurrak sinetsi behar!

Beraz, kalean darabilzkigun heziketa eta besteenganako errespetuzko baloreak sarean ere kontuan izatea ezinbestekoa da, azken batean, hauek ere berdinak dira baina kode ezberdinarekin.

Orientazio hauek, nahiz eta "lege" bezala inoiz entzun ez izana (Netiketa hitz berria da niretzako), hauetako batzuk erabiltzen ditudala edo inoiz hauetaz hausnartu dudala ohartu naiz. Egia da, baten bat nire zerrendan atxikitu aurretik ez diodala inoiz baimenik eskatu eta errespetu falta nabarmena dela ohartu naiz; izan ere behin baino gehiagotan pentsatu dut nire izena horrelako zerrenda luzeetan ikusi dudanean, ea zenbat pertsonek (eta enpresek) ikusiko (eta erabili) duten. Artxiboaren formatu eta tamaina kontuan izaten ditut beti, baita artxiboa identifikatzea, nik ere ez baitut gustuko niri bidaltzen dizkidatenean zabaldu ezinik ibiltzea. Bestalde, letra larriarena entzun izan dut, ez dut inor iraintzen interneten eta mezu goialdeko izen zerrendak ezabatu egiten ditut berbidaltzerakoan. Eta noski, mezuak pertsonalizatu egiten ditut. Uste dut, garrantzitsuenak, norbere pribazitatea gordetzen dituzten orientabideak direla, hauek baitira azken finean min handiena egin ditzaketenak. Garrantzi gutxikorik ez dagoela uste dut, hauek errespetuzko arauak baitira eta erabiltzea komeni da, bizitza errealean erabiltzen ditugunak bezala.

http://www.sarean.com/sarean/468

http://eu.wikipedia.org/wiki/Netiketa

Remove

Bideo honen arabera, ordenagailu, internet, mobil eta delakoen bidez, datu-trafikoa eragiten da; hau da, gutxi batzuek gure datu pertsonalak maneiatzen dituzte beraien gisara, eta ondorioz pribatua izateko eskubide hori zapuzten digute. Batzuetan jokoen bitartez edota galdeketen bitartez eskuratzen dituzte. Dena dela horrelako IKT-ak darabilzkigun heinean haiek gure datu pertsonalak eskuratzeko gai izango dira. Gailu bakoitza, informazio mezularia da, gu radar pantaila bateko puntu bilakatzen garelarik. Uneoro gure pausu guztiak kontrolatzen dituzte eta ondorioz badakite zer eta non egiten ari garen. Gure ezaugarrien arabera, profila egiten digute, eta gero hori erabiltzen dute gure pausuak, adibidez interneten, beraien gisara maneiatzeko. Badirudi, George Orwell-en Anaia Handian bizi garela eta bertako txontxongilo garela ia konturatu ere egin barik. Ondorioz, kontuan izan behar dugu beti ere, internet eta horrelakoak oso erabilgarriak direla, baina aldi berean internet itsasoa bezain handi eta arriskutsua dela. Beraz kontu handiz erabili behar dira teknologiok, pentsaera kritikoaz.

Hausnarketa: Blogen aplikazioak irakaskuntzan

Blogek irakaskuntzan hainbat aplikazio izan ditzakete. Ikasleen ikasketa-prozesuko atal ezinbesteko izateaz gain, ikasle-irakasle, irakasleen arteko edota irakasle-guraso komunikazioa hobetzeko oso erabilgarriak izan daitezke.



Ikasketa-prozesua motibagarriagoa egiten dute, ikasleak sortzaile, editore bihurtzen direlarik. Internet erabiltzeko eta kudeatzen ikasteko bide egokiak dira. Norbere pentsamendua eta lana proiektatzeko balio dute, horrek benetako ikaskuntza eragiten duelarik. Sormena eta taldelana bultzatzeko ere balio dute, blogak interaktibitatea sustatzen baitute.



Atzerriko hizkuntza ikasteko orduan, blogak oso tresna baliagarriak dira. Alde batetik, ordenagailu eta interneten erabilera sustatzen dute, eta jakina da komunikabideen erabilera oso egokia dela hizkuntza berriak ikasteko, praktikotasuna eta erabilgarritasuna ematen baitiote ikasketa prozesuari; edozein hizkuntza ikasteko eta lantzeko bide egokiena dira izan ere.



Beraz, blogen erabilgarritasuna irakaskuntzan ezinbesteko bihurtu da, eta horri probetxua ateratzen ikasi beharko dugu etorkizuneko irakasleok.

2010/03/29

Klase honetan, Remove bideo komentatu dugu. Gero gap edo eten digitalaz aritu gara: teknologia berriak ezagutzen dituztenen eta ez dituztenen artean eten digitala dagoela esaten da. Etenaren alde batekoek informazio ugari dute eskura, eta ekonomikoki zein sozialki garatzeko aukera dute; etenaren beste aldekoek ez dute horrelako aukerarik, zenbait arrazoirengatik.
Bestalde, bloga taldelanean diseinatzen jarraitu dugu: rolak...aukeratuz.

Informazio gizartea-Ezagutza gizartea

Informazio gizartean bizi garen heinean, informazioz inguraturik bizi gara. Gu gara, gainera, informazio horren sortzaile. Beraz, gizartea, aspektu, kultural, sozial eta ekonomikoan aldatu da. Esan daiteke kultura berri bat eratu dela.

Nahiz eta informazioz inguraturik gauden, hori bilatu ostean kudeatu, antolatu, aztertu eta analizatu ezean, ezinezkoa da informazio hori ezagutza bihurtzea. Gainera, horren inguruan ditugun iritzi, hausnarketa eta abarrak besteei komunikatzen jakitea ere garrantzitsua da, ezagutza hori konpartituz.

Bestalde, ikusitako informazioa gure egin ondoren, gure esperientzia pertsonalean aplikatu behar dugu, benetan ikas dezagun eta gure egin dezagun, ezagutza eraikiz.

Beraz, informazio gizarte honek eman diezazkigun onuretara zabaldu behar gara, ardura eta kritikotasuna galdu barik, beti ere.

Prometeus "the media revolution"

Bideo honek, gaur egungo munduari buruz, "Prometeus" delakoari buruz hitzegiten digu. Gizarte industrializatua jada alde batera utzita, informazio gizarte honetan ikus-entzunezkoek ere ez dute lekurik, Internet-en bidez egiten baita guztia. Norbanako denok bihurtu gara informazio iturri.

Beraz, esan dezaket gaurko gure gizartea erabat aldatu dela eta aldatzen diharduela. Gero eta hurbilago gaude IKTengandik. Horregatik, moldatu beharra daukagu teknologia hauetara, gure kasuan, hezkuntza alorrean alegia. Gure ondorengo belaunaldiak guztiz murgilduak egongo dira teknologia berrietan ez baitute hori ez den beste bizimodurik ezagutuko. 

Ez dut gogoko gainera datorkigun bizimodu hori. Globalizazio honek azken batean berdintasuna dakar zentzu guztietara; kulturara, hizkuntzara...norbanakoak gero eta berdinagoak gara gure artean, desberdintasunak ematen duen aberastasuna galduz, identitatea galduz. IKT hauek abantaila asko dakarzkigute bai, baina gaur egun ezinbestekoa dugu beraietan murgiltzea, hauek gabe ezer egiteko gai ez baikara! Moralarenganako urruntasuna dakarkigute, gizartiatzearenganako urruntasuna. Gizarteari begira etorkizun latza dakusat: robot bihurtuko ahal gara?

Eskolari ere eraldaketa prozesu honetan egokitzea dagokio. IKT-ak, ikasketa prozesuaren tresna izatea ezinbestekoa da. Nire ustez, eskolaren eginkizun ezinbestekoa da ikasleen iritzi kritikoa jorratzea. Hauek gizarte honetan ez daitezen sistemaren seme izan, baizik eta ikuspegi kritikoz jokatu dezaten. Jasotzen duten informazioa pentsatu, erreflexionatu eta beharrezkoa izanik kritikatu dezaten.

Beraz, irakaske gisa gidatu egin behar ditugu, bideratu, helduak direnean beraiek jakin dezaten nola jokatu gaurko eta etorkizuneko gizarte honetan.

2010/03/15

Gaurko klasean, History of the Internet eta Prometeus: the media revolution bideoak komentatu ditugu. Teknologiek eszenatoki guztiz berria sortu dute. Gizarte berri honek komunikatzeko era berria ekarri digute. Horretaz kontziente izanik halabeharrez hezkuntzan aldaketa egin beharra dagoela ohartu behar gara. Beraz, gure irakasleon lana aldatu egin da. Orain, gure eginkizuna ikasleei zer ikasi, nola ikasi...esatea da, hauek bideratzea, gidatzea.



Bestalde IKT-en teoriarekin jarraitu dugu: 

IKT-ek beraz, eragin sozial izugarria izan dute: azkartasuna, ugaritasuna eta berehalakotasuna ekarri dizkigute. Ondorioz, egoera sozial eta egitura sozial berriak eratu dita, hala nola e.learning deituriko internet bidez ikasteko metodo berria, hau da, klasera joan behar izanik gabekoa. Argi dago beraz, aurrerapen hauek aldaketa ugariak eragin dituztela gizartean eta gizartea aldaketa hauetara moldatzen ari den bezala, hezkuntzan lan egingo dugunok ere kontuan izan behar ditugu, eskaintzen dituzten alde onak aprobetxatuz eta muga edota oztopoei aurre eginez. Bestalde, teknologia berriek txiro eta aberatsen arteko desoreka areagotu egin du eta aukera gehiago ematen dizkigutenez, beharrizanak ere areagotu egin zaizkigu. Kontuan izan behar dugu beti, modu arrazional eta kritikoan erabili behar ditugula. Bukatzeko, esan beharra dago IKT-ak komunikatzeko era aldatzen digutela, prozesua ez ezik, emaitza ere baitira. Ari dago eskolak erantzuna eman behar duela gizarteko aldaketa hauek hezkuntzan daukan eraldaketan. Eskola 2.0 ote horretarako bidea?

Bestalde, blogek irakaskuntzan duten aplikazioa hasi gara ikusten. Ezagutzaren eraketa dute, ikasleak sortzaile bihurtzen direlarik. Interaktiboak dira eta oso egokiak izan daitezke ikasleek ikaskuntza prozesuan.



Saio praktikoan, markesina goiburukoan eta testu birsartua nola sartu blogean ikusi dugu.

Testu birsartuak frogatzeko hona hemen...Laskibar, Iker: Hezkuntzari aplikaturiko Teknologia Berrietan trebatua

Dirudienez, Teknologia Berriak ikastetxeetan sartu egin behar dira. Ia inork ez dauka dudarik. Dena den, gutxienez zalantza sortu behar zaigulako ustean nago: Teknologia Berriak sartu behar al dira ikastetxeetan? Zergatik?

Batzuek diote ikastetxeetako lana sozializatzea dela. Beraz -jarraitzen dute-, Teknologia Berriak gizartean daudenez, ikastetxeek teknologien mundu horretan bizitzeko trebetasuna garatu behar dute. Nire ustez, arrazoiketa hori gezurrezkoa da. Denok dakigu indarkeria ere gizartean dagoela, baina hori ez da nahikoa gure ikasleak jotzeko edo babes teknikak erakusteko. Orduan, zergatik sartu behar dira Teknologia Berriak ikastetxeetan? Arrazoi sinpleago bategatik: Teknologia Berriek hezkuntza arloan aukera interesgarriak eskaintzen dizkigutelako, eskoletara iristeko eta sartzeko denbora luzea behar izan badute ere.

Duela hogei urte ordenagailuek izugarrizko itxaropena sortu zuten hezkuntza esparruan. Ordenagailuak irakasleen ordezkoak izango zirela sinesten zen. Helburu hori lortzeko, konduktistek geletan ezartzeko programa dexente hedatu zituzten, ordenagailua eskoletako elementu garrantzitsuena izango zelako ustean. Baina, denborak sinesmen hori ustela zela frogatu du.

Ondoren, fidagaiztasunaren garaia etorri zen. Ordenagailuak bazter batean utzi ziren, ia ezertarako ez zutela balio argudiatuz. Makina garestiak ziren eta irakasleei ez omen zieten batere laguntzen. Alabaina, azaldutako atsekabea laster aldatu zen, Internet sortu zenean informazio digitalaren garrantzia benetan ulertu baitzen. Alde batetik, testuak formatu digitalean gorde ditzakegu. Zer da informazio digitala? Papera eta informazioa bereiztea. Jadanik ez dugu paperik behar informazioa alde batetik bestera mugitzeko. Lehen liburu bat bidaltzeko paketea postontzian sartu eta iritsi arte itxaron behar genuen; gaur egun, dokumentu bat edozein lekutara bidaltzeko ez dugu denbora gehiegi itxaron behar, segundo pare bat baizik. Posta elektronikoaren edo e-mailaren bidez ia edozein dokumentu bidal dezakegu hartzaileak behingoan jasoko duela jakinez. Informazio digitalaren iraultza ulertzeko, esan daiteke, adibidez, diskete batean 870 orriko testu bat gorde dezakegula eta CD batean ia 600.000 orriko testua.

Bestalde, txat solasguneen bidez ikasleek edozein herrialdetako ikasleei idatz diezaiekete eta beraiengandik erantzuna jaso, aldi berean. Txat solasguneen erabilera oso interesgarria iruditzen zait ingelesa, frantsesa edo beste edozein hizkuntza irakurtzen eta idazten ikasteko. Baina, irakasleentzat ere erakargarria da: urruti dauden irakasleak gela birtual batean elkar daitezke elkarren esperientzietatik ikasteko eta materialak elkarri eskuratzeko.

Interneti esker, eskolako web orrian gurasoei bidalitako oharrak, ikastetxearen Hezkuntza Proiektua, curriculuma, gaien apunteak, etxerako lanak, ezagupenak sakontzeko bibliografia, ordutegiak eta abar jar ditzakegu. Hipertestua ere oso interesgarria izan daiteke gai batzuk irakasteko. Ikertzaileen artean eztabaida gogorra dago hipertestuari buruz, eta seguraski, laster ikusiko dira hezkuntza munduan aplikatzeko ondorio interesgarriak. Dena den, gai horietaz guztietaz hurrengo artikuluetan arituko gara

Ikastetxean Internet izanez gero, NASAk duen web orrian sar gaitezke eta ilargiaren argazkiak jaso, edota ikasleei edozein gairi buruzko informazioa lor dezaten eskatu.

Hedabideek , orokorrean, et ordenagailuak , konkretuki, informazioaren ateak irekitzen dizkigute. Nahi dugun gaiari buruzko informazioa aurki dezakegu Internet sarean. Gure arazo bakarra informazio hori aurkitzea da.

Nire ustez, gela bakoitzean sarean konektatutako ordenagailu bat eduki beharko litzateke. Horrela, gaur egungo hezkuntzaren ikuskera aldatu egin beharko genuke. Jende askok dio ordenagailuaren eginkizuna ikasleak aktibitate mekanikoetan trebatzea dela. Hezkuntzari aplikaturik sortu diren ia programa informatiko guztiak hori egiten dutela dirudi. Ikuskera hori konduktisten antzekoa da. Konduktismoa oso interesgarria iruditzen zait, baina era orokorrean hezkuntzan erabiltzeko, ez hainbeste. Nire ustez, ikasleei irakats diezaiekegun alderdirik garrantzitsuena behar duten informazioa beren kabuz lortzea da. Eta horrekin batera, beste helburu garrantzitsuago bat lor dezakegu: hau da, ikaslearen autonomia sustatzea.

Hezkuntzari aplikaturiko Teknologia Berrietan sartuta gaudenok ez dakigu nola aldatuko diren gauzak, ezta norantz aldatuko diren ere. Nolanahi ere ziur gaude mundu hau mugitzen ari dela. Eta nahitaez Teknologia Berriak eta hezkuntza nonbait topatuko direla.

2010/03/08

Gaur, informazioaren gizartea definitu dugu, eta honen ezaugarriei buruz hitzegin eta eztabaidatu dugu. Gaur egungo gizarte honetan, ekonomiaren ardatza informazioa da. Produktu fisikoen produkziotik, informazioaren inguruko aktibitatera pasatu gara. Lehen, gizarte industrializatuetan lanpostuak lantegietan finkatzen ziren, gaur egun ordea, informazio eta zerbitzuen ingurukoak dira. Zer dela eta? Informazioa kontsumorako objetu bilakatu delako. Teknologien erabilpenaren modu masiboak informazioaren gizarte hau sortu du. Zeintzuk dira gizarte honen ezaugarriak? Hala nola, globalizazioa, IKT-ak, lan sektore berriak, informazio ugaritasuna, ikasten ikasi beharra, eten digitala eta honek guztiak dakarkigun adimen berria. Oso garrantzitsua da ziztu biziko aldaketa honen inguruan hausnarketa egitea, gu etorkizuneko irakasle izango garen heinean; izan ere, ikasteko modu berri honek dakarzkigun mugak kontuan izatea ezinbestekoa da.




Bestalde, blogean, feed, creative commons baimena eta e-posta sartzen ere ikasi dugu.

Informazio gizartea

1970.urtetik aurrera, izugarrizko aldaketa gertatu da gure gizartearen funtzionamenduan. Gizarte industrializatua izatetik, informazio gizartea izatera igaro da; hau da, aberastasuna ez du industriak sortzen jadanik, beti gertatu izan den bezala, baizik eta zerbitzuek. Industria munduko lanbideak munduko lanbideen gehiengo izan badira betidanik, oraingo lanbide ohikoenak informazioaren sortze edotan manipulazioan oinarritzen dira. Ekonomiaren garapenak ez du jada industria sektorea abiapuntutzat lehen esan bezala, zerbitzu sektoreak baizik, hala nola, informatika munduak. Internetek, informazio eta datuen trukea errazten du gaurko gizarte honetan. Hala ere, hau ez da gure gizarteko tresna bakarra, ikus-entzunezko tresna guztiek osatzen baitute informazio gizarte hau.

2010/03/01

Klase honetan, blogarekin jarraitu dugu. Zehazki, "delicious" kontu bat zabaldu dugu, URL helbideak gordetzeko balioko diguna aurrerantzean. Egutegia ere sartu dut eta baita klasekideen blogen helbideak; horrela nire blogetik zuzenenan ikusi ahal izango dira hauek. Bloga editatzeko beste zenbait trikimailu ere ikusi ditugu: Etiketak, letra aldaketak....



Bestalde, klase teorikoan Tim O'relly-ri buruz egindako iruzkinak komentatu ditugu. O'Relly-k jada existitzen zen kontzeptu bati izena eman zion: Web 2.0-ri. Hortik aurrera, esan daiteke filosofia berri bat sortu dela, teknologia berriena, informazioren gizartearena. Informazioa berehala kontrastatzeko aukera ematen digu honek baina kontuz ibili behar da; izan ere, edozeinek idatz lezake. Horregatik, argumentazioak, informazio iturriak...kontuan izan behar ditugu, hau da, informazioa baloratzea komeni da.



Iraultza honek, hezkuntzan ondorio zuzena izan du, izan ere, teknologia berriak ez dira soilik ikasteko, aspektu funtzionala ere badute: hau da, hauek, beste gauza batzuk ikasteko erabil daitezke. Beraz, ez dira tresna soilak baizik eta prozesu bat dira, sistematizazioa.



Teknologia hauen hizkuntza digitala da, 01 sistema binarioa. Hizkuntza ezberdinek sortzen dituzte teknologia berriak. Bestalde, Hizkuntza berria ere ekarri digute: ikurrak, besteak beste.



Web 1.0-tik Web 2.0-rako aldaketa iraultza izan da ezagutzaren blokean. Automatizazioa ekarri du honek, adibidez link-en erabilgarritasuna. Baita interaktibitatea: aparatuek aukerak ematen dizkigute hainbat gauza egiteko: hipemedia, hipertexto....Errealitate birtuala eraiki da: X box, Wii....Produkzioan ere eragina izan du, adibidez, testu bat idazterakoan ordenagailuen erabilera.



Beraz, teknologia hauek aspektu tekniko berriak ekarri dizkigute. Honek eragina izan du komunikazio-prozesuetan, aukera gehiago ematen baitiguzte. Ondorioz, hizkuntza berriak sortu dira, hala nola, ingelesaren hedapena.

Tim O'Relly

Nor da Tim O´Relly?

Tim O´Relly, 1954an Cork (Irlandan) jaio zen. O´Relly Media argitaletxearen fundatzailea eta lehendakaria da. Software askearen bultzatzailea eta Web 2.0 kontzeptuaren egilea da. Horretaz aparte, parte hartu du Perl (programazio lengoaia dinamikoa) hizkuntzaren garapenean. O´Relly hasiera batean, literaturan interesatuta zegoen, Klasikoan lizentziatu zen Harvard-eko unibertsitatean, baina berehala, informatikaren munduan sartu zen. Bere argitaletxeak argitaratutako zenbait liburuen egilea da.1993an, interneteko lehen portala sortu zuen: Global Network Navigator, zeina beranduago bihurtuko zen AOL-en. 2000. urtean, Safari Books Online fundatu zuen, Internet bidez liburuak saltzeko lehen tokia. 2004an, konferentzia batean parte hartu zuen, zeinean aurkeztu zuen Web 2.0 kontzeptua.

2010/02/22 Nire lehenengo klase eguna!

Gaur irakasgai honetako nire lehen eguna izan da. Egia esan, galdu-xamar ibili naiz hasieran, ez bainekien ezta nola hasi ere ditxosozko bloga egiten. Azkenean, lortu dut eta gainera nahiko gustuko dudala somatu dut. Klase interesgarria izan da gaurkoa; badirudi, teknologia berriak aztertu eta lantzeaz gain, hauek hezkuntzan duten erabilpenez eta eraginez ere jardungo dugula lauhilabetekoan zehar. Bigarren orduan, "La Web 2.0: La revolución social de internet " bideoa komentatu dugu guztion artean. Honetan denok adostu dugu: teknologia berriek, muga fisiko guztiak hausten dituzte. Hezkuntzari dagokionez, hauek ikasgela barruan eskaintzen duten aktibitatea ohiko klaseez alderatuta guztiz ezberdina da; izan ere askoz aktiboago bihurtzen dituzte ikaste-prozesuak. Ikasleen interaktibitatea sustatzen dute, hau da, elkarlana. Zertan eragiten du horrek? Taldean, ezagutza modu sozialean eraikitzen dela alajaina (Vigotsky). Beraz, metodo motibatzailea da teknologien metodo hau. Gizartearen beharrizanen arabera jorratzen da hezkuntza, eta gaur egun ezinbestekoa da konpetibitatea lantzea gaitasun garrantzitsu gisa. Teknologiokin lortzen dute maisu-maistrek "gizarteratze prozesu" hori. Baliabide hauekin beraz, ikaste prozesua nabarmentzen da, ikaslea alegia, nota edota irakaslearen aurretik.

Ingeleseko etorkizuneko irakasle gisa uste dut tresna hauek oso baliagarriak zaizkigula, lehen esan bezala, klasea dinamizatzeko, ikasleak motibatzeko eta hauek hizkuntza benetan ikasteko, ikasketa azalekoa izan ez dadin.

La Web 2.0: La revolución social de internet

/>

Web 2.0-ek, teknologia berrien aurrerapenekin batera aldaketa nabarmenak eragin ditu komunikabideetan, izan ere, edozein internauta edozein informazio mota argitaratzeko gai da. Zer eragin du horrek? 
Komunikabideetan, edozein norbanakok egunkari batek haina auketa ditu, kontsumitzaile izatetik, sortzaile izatera igarotzen baita. Ondorioz, migrazioa jazotzen ari da irrati-telebistatik internetera. Bestalde, publizitatean ere eragin latzak ditu: gero eta zailagoa da kontsumitzaileengana iristea iragarki-mezuen bidez. Enpresa askok publizitatea egunkarietan argitaratzen dute baina zer etorkizun dute egunkariek ordenagailu eta mobilen aurrean? Google eta "mikromedio" delakoen bidez bestelako komunikabideen bidez baino askoz merkeagoa da iragarkiak jartzea. Interneteko hedabideak minutu edota segundu gutxiren barruan aktualizatzen dira. Gainera, foro, blog eta abarrek ahoz-ahoko publizitatea eragiten dute, publizitate tradizionalak eragiten duenarena baino askoz ere azkarragoa eta hedatuagoa. 
Beraz, kontsumitzaileen eraginez internet gero eta hedabide masiboagoa bihurtzen ari da. Lehengo publizitate paradigma airean dago eta boterea kontsumitzaileek daukate.
Nire ustez, argi dago internet gaur egungo komunikabide sarerik erabiliena eta hoberena dela; izan ere, hainbat abantaila eskaintzen ditu. Gainera denboraren poderioz bere erabilera geroz eta handiagoa izango da. Honek guztiak, hausnarketa eragiten dit, izan ere, zer gertatuko da gainerako idatzizko eta ikus-entzunezko prentsarekin? Gaur egungo telebista pribatuak adibidez publizitatez elikatzen dira. Zer gertatuko da beraz, enpresak (guztiak) telebista alde batera utzi eta internet bakarrik erabiltzen hasten direnean? Hamarkada batzuen barruan guztia desagertu eta internet geratuko zaigula alajaina! Berdina gertatuko da irakaskuntzan: internet tresna ezinbesteko eta gainera tresna nabarmenena bihurtuko dela. Hemen daukagu beraz, etorkizuneko Jainkoa!

Blogari hasiera emanez...

Kaixo nire blogeko bisitari guztioi!

Gaur, Otsailaren 22an nire blog hau sortu dut. Gustuko izan dezazutela espero dut.